Azhar Naazir's Urdu Poetry

​ پردے کا تکلُّف نہ کیجئے ہم نے چاند کو دیکھ رکھا ہے (اظہر ناظؔر) #Azharnaazirurdupoetry

​ کُچھ یُوں تکتی ہیں مُجھے شوخ نگاہیں اُس کی جیسے آمادہ وُہ پتّھر بھی پِگھلنے کو ہے (اظہر ناظؔر)  #Azharnaazirurdupoetry

​ دل نہیں مانتا کہ غیر ہو تُم بار بار اپنے اپنے لگتے ہو ________ (اظہر ناظؔر) #Azharnaazirurdupoetry

​ تیرے بھی دل سے اُترچلے ہیں ہم اور نیا کوئی ٹھِکانہ بھی نہیں ___!! _______ (اظہر ناظؔر) #Azharnaazirurdupoetry

​ نہ ہو اصلی تو فرضی مان لیتے ہیں  ھم دُشمن جس کو مرضی جان لیتے ہیں   (اظہر ناظؔر)   #Azharnaazirurdupoetry

​ ان کہی بات کا بھی کوئی تو گھر ہو جائے دل یہی چاہتا ہے اُن کو خبر ہو جائے اِس  کہانی  میں جی لینا بھی تو ہے کار بڑا تھوڑی ہے اب کہ زیادہ ہے بسر ہو جائے ہُوں تو آدم میں گُنہگار ، خطا کار بھی ہُوں دُعا ہے تھوڑی سی نیکی کا بڑا اجر ہو جائے جیسے ماں باپ نے سینچا ہے لہُو سے اپنے چمکے ہر چاند ہی ہر تارہ قمر ہو جائے رُوٹھ کے جائے  نہ چمن سے مرے موسمِ گُل یاں کے پیڑوں کا پتّا پتّا ثمر ہو جائے جو فرشتوں کے بھی سجدے سے فرشتہ نہ بنا ہے کیا بُرا اُسے وُہ جو بشر ہو جائے یہ تری باتیں ہیں سچ  ہیرے و موتی جیسی  یُوں دُعا کر ترے وحشی پہ اثر ہو جائے (اظہر ناظؔر)   #Azharnaazirurdupoetry

​ بے سبب نہ تھی خلِش کوئی خواب ادُھورا تھا (اظہر ناظؔر) #Azharnaazirurdupoetry

​ شجر سے لِپٹ گئے یہی کہتے پتّے سبھی ہوا کو نہیں ہے حق کہ ھم کو یُوں جُدا کرے (اظہر ناظؔر)  #Azharnaazirurdupoetry

​ اے مِرے دِلِ مُضطر دیکھ اب سنبھل بھی جا بدلی بدلی سی ہے دُنیا تُو اب بدل بھی جا کب کوئی تِرا واں اُس گلی سے نکِل بھی آ چاند چھُونے کی ضِد کو چھوڑ اب بہل بھی جا اے مِرے دِلِ مُضطر دیکھ اب سنبھل بھی جا میں وُہ چاند ہُوں اپنے چھُوٹا تاروں سے میں تھا اپنوں سے کھا کے ٹھوکر بِچھڑا پیاروں سے میں تھا تھا بھنور میں پیہم کٹا کِناروں سے میں تھا اے مِرے دِلِ مُضطر دیکھ اب سنبھل بھی جا اُس کے در پہ سرِ شام جو چراغ جلتے ہیں دیکھ روشنی سی اس دِل کے داغ جلتے ہیں دِل واں ٹُوٹتے ہیں سپنوں کے باغ جلتے ہیں اے مِرے دِلِ مُضطر دیکھ اب سنبھل بھی جا میں کرُوں کیا تنہا اُداس رات کا اب کے چاندنی سے دِل کی اس واردات  کا اب کے اُس کی گلی میں گُم سے اِلتفات کا اب کے اے مِرے دِلِ مُضطر دیکھ اب سنبھل بھی جا زہر لگتی ہیں اب مُجھ کو پیار کی باتیں یہ وفا کے قِصّے ، قول و قرار کی باتیں جھُوٹے سب ہیں سپنے ، بس ہیں فرار کی باتیں اے مِرے دِلِ مُضطر دیکھ اب سنبھل بھی جا من یہ کہتا ہے اِس شب بادہ خانے کو ہی چل دشت کو ہی چل تُو خاک اُڑانے کو ہی چل مان جا اب اُس کے پھِر آستانے کو ہی چل اے مِرے دِلِ مُضطر دیکھ اب سنبھل بھی جا

​ اپنے اس وائرل شعر کو ابھی سوشل میڈیا پہ مُختلف ناموں اور ترامیم سے دیکھا تو یہ تصویر ایک پوسٹ پہ اچھی لگی !!!! ایک اضافہ “مُرشد” بھی ہے  حُوریں ہلکان ہوئی جاتی ہیں شیخ  آمادہ نہیں مرنے کو (اظہر ناظؔر)   #Azharnaazirurdupoetry

​ “شاعر چھوٹا یا بڑا نہیں ہوتا - شعر چھوٹا یا بڑا ہوتا ہے “ (اظہر ناظؔر) بڑا سُخن جس کے بھی نصیب میں آ جائے یہ عطائے رب سُخن ھے ۔ میں آج بھی اس بات پہ قائم ہُوں ۔  اور موجود ہ لایعنی بحث کے تناظر میں میرا ووٹ جون ایلیا کے ساتھ ہے ۔ غالب نے مومن کے ایک شعر کے بارے میں کہا تھا کہ میں اس ایک شعر کے بدلے اپنا پُورا دیوان دے دُوں ۔ تو بات ہی ختم ہو جاتی ہے ۔  سلامتی ہو  #Azharnaazirurdupoetry

​ ________ چار شاعر _ایک بحر اور ایک زمین ______  1-غزلِ غالب __________ یہ نہ تھی ہماری قسمت کہ وصالِ یار ہوتا اگر اور جیتے رہتے، یہی انتظار ہوتا ترے وعدے پہ جئے ہم تو یہ جان جھوٹ جانا کہ خوشی سے مر نہ جاتے اگر اعتبار ہوتا تری نازکی سے جانا کہ بندھا تھا عہد بودا کبھی تُو نہ توڑ سکتا اگر استوار ہوتا کوئی میرے دل سے پوچھے ترے تیرِ نیم کش کو یہ خلش کہاں سے ہوتی جو جگر کے پار ہوتا یہ کہاں کی دوستی ہے کہ بنے ہیں دوست ناصح کوئی چارہ ساز ہوتا، کوئی غمگسار ہوتا 2-غزلِ داغ __________ عجب اپنا حال ہوتا جو وصال یار ہوتا کبھی جان صدقے ہوتی، کبھی دل نثار ہوتا کوئی فتنہ تاقیامت نہ پھر آشکار ہوتا ترے دل پہ کاش ظالم مجھے اختیار ہوتا جو تمہاری طرح تم سے کوئی جھوٹے وعدے کرتا تمہیں منصفی سے کہہ دو، تمہیں اعتبار ہوتا؟ غمِ عشق میں مزہ تھا جو اسے سمجھ کے کھاتے یہ وہ زہر ہے کہ آخر، مئے خوشگوار ہوتا نہ مزہ ہے دشمنی میں، نہ ہے لطف دوستی میں کوئی غیر غیر ہوتا، کوئی یار یار ہوتا 3- غزلِ امیر مینائی ______________ مرے بس میں یا تو یا رب، وہ ستم شعار ہوتا یہ نہ تھا تو کاش دل پر مجھے اختیار ہوتا پسِ مرگ کاش یوں ہی

​ ایک ردیف ** تین شاعر ** تین غزلیں ایک ردیف / تین شاعر (راغب مراد آبادی) کون کسی کا یار ہے سائیں یاری بھی بیوپار ہے سائیں یہ بھی جھوٹا، وہ بھی جھوٹا جھوٹا سب سنسار ہے سائیں ہم تو ہیں بس رمتے جوگی آپ کا تو گھر بار ہے سائیں کب سے اُس کو ڈھونڈ رہا ہوں جس کو مجھ سے پیار ہے سائیں کرودھ کپٹ ہے جس کے من میں مفلس اور نادار ہے سائیں ڈول رہی ہے پریم کی نیا داتا کھیون ہار ہے سائیں بات کبھی ہے پھول کی ڈالی بات کبھی تلوار ہے سائیں گاؤں کی عزت کا رکھوالا گاؤں کا لمبردار ہے سائیں ۔۔۔۔۔۔۔۔۔۔۔۔۔۔ (رحمان فارس) یہ جو مجھ پر نکھار ہے سائیں  آپ ہی کی بہار ہے سائیں آپ چاہیں تو جان بھی لے لیں  آپ کو اختیار ہے سائیں تم ملاتے ہو بچھڑے لوگوں کو  ایک میرا بھی یار ہے سائیں کسی کھونٹی سے باندھ دیجے اسے  دل بڑا بے مہار ہے سائیں عشق میں لغزشوں پہ کیجے معاف  سائیں یہ پہلی بار ہے سائیں کل ملا کر ہے جو بھی کچھ میرا  آپ سے مستعار ہے سائیں ایک کشتی بنا ہی دیجے مجھے  کوئی دریا کے پار ہے سائیں روز آنسو کما کے لاتا ہوں  غم مرا روزگار ہے سائیں وسعت رزق کی دعا دیجے  درد کا کاروبار ہے سائیں خار زاروں سے ہو کے آیا ہوں  پیرہن ت

​ سُوکھ جائے گا جوبن کا شجر بھی ٹُوٹ جائے گا تیرا نشہ جاناں (اظہر ناظؔر) #Azharnaazirurdupoetry

​ میں سوال تھا سو ڈٹا رہا پر جواب سارے اضافی تھے (اظہر ناظؔر) #Azharnaazirurdupoetry

​ اِک سوال تھا سو ڈٹا رہا پر جواب سارے اضافی تھے (اظہر ناظؔر) #Azharnaazirurdupoetry

​ تُم آستینوں میں ہی رہو تو ہے اچھّا ادھر ھم کو تو سپیرا دکھائی دیتا ہے (اظہر ناظؔر) #Azharnaazirurdupoetry

​ یہ اور بات کہ شہکار ہی نہ بن پایا بنا کے کُچھ تو بکھیرا دکھائی دیتا ہے (اظہر ناظؔر) #Azharnaazirurdupoetry

​ اِنہی تو بارشوں نے چھین لی متاع مری ابر ہی اب تو  لُٹیرا دکھائی دیتا ہے (اظہر ناظؔر) #Azharnaazirurdupoetry

​ مُجھے مِل تو گیا یہ جہاں لیکن تیری کمی تو تیری کمی تھی  ✍️ اظہر ناظؔر #Azharnaazirurdupoetry

​ چھوٹی سی بھی خُوشی کا جشن منایا کیجئے کِسے معلُوم  کہ کل یہ بھی رہے یا نہ رہے (اظہر ناظؔر) #Azharnaazirurdupoetry

​ بھُول گیا ہے تو کیا ہوا  اُسے حق تھا یاد بھی رکھنے کے لائق کہاں ہم تھے (اظہر ناظؔر) #Azharnaazirurdupoetry

​ ہے رات کو بھی سویرا دکھائی دیتا ہے بشر کو بھی تو مسیحا دکھائی دیتا ہے میں اِک اکیلا سِتارہ کہاں کہاں چمکُوں سبھی طرف ہی اندھیرا دِکھائی دیتا ہے اِنہی تو بارشوں نے چھین لی متاع مری ابر ہی اب تو لُٹیرا دکھائی دیتا ہے یہ اور بات کہ شہکار ہی نہ بن پایا بنا کے کُچھ تو بکھیرا دکھائی دیتا ہے تُم آستینوں میں ہی رہو تو ہے اچھّا ادھر ھم کو تو سپیرا دکھائی دیتا ہے (اظہر ناظؔر) #Azharnaazirurdupoetry

​ میں اِک اکیلا سِتارہ کہاں کہاں چمکُوں سبھی طرف ہی اندھیرا دِکھائی دیتا ہے (اظہر ناظؔر) #Azharnaazirurdupoetry

​ رات کو رات کہا یہ ھماری بھی غلطی تھی دن جو ھم بول ہی دیتے تو رشکِ جہاں ہوتے (اظہر ناظؔر)  #Azharnaazirurdupoetry

​ ڈرتی ہے مُحبؔت کے نام سے پہلے سی وُہ چنچل نہیں رہی (اظہر ناظؔر)  #Azharnaazirurdupoetry

​ ھم جو شامل تھے تزئینِ گُلستاں میں ھمی تھے بیکار واں جُوں تھی بہار آئی (اظہر ناظؔر)  #Azharnaazirurdupoetry

​ اِن آنکھوں نے خواب بُہت دیکھے تھے اِن آنکھوں پہ واجب ہے تاوان بُہت (اظہر ناظؔر) #Azharnaazirurdupoetry

​ کیا چنگاریاں ہیں یہ بھی شرر میں میرے گرمی سے جن کی زمانہ ہے اثر میں میرے  اَک ترے ساتھ کی حسرت یہاں تک لائی مُجھے ورنہ کُچھ بھی تو نہ تھا رختِ سفر میں میرے میں تو ہُوں آج تلک بات پہ قائم اپنی پھر اُلجھتا ہے تُو کیُوں ایک مگر میں میرے میں بُلندی کو بھی چھُوتا ہُوں کھو دیتا ہُوں پھر جانے کیا اب کمی ہے اوجِ ہُنر میں میرے ماہِ کامل کی سبھی خُوبیاں تو دکھتی ہیں کونسی اب کمی ہے رشکِ قمر میں میرے دِل تری دِل لگی ، دلداری سے ہے خُوش بے حد  ٹیس سی کیا کبھی اُٹھتی ہے جگر میں میرے ہیں سُخن ور بھی یاں ناظر بڑے ہی سرکاری  شاہ کی مدح میں ہیں لکھتے نگر میں میرے (اظہر ناظؔر) #Azharnaazirurdupoetry

​ کِسی اور تعلُّق کا۔۔۔ تُو واسطہ دے مُحبّت پہ مُجھ کو یقِیں اب نہیں ہے  ✍️ اظہر ناظؔر #Azharnaazirurdupoetry

​ ھمی کو تھی حُسن کی تلاش بڑی ھمی پھر سو بار تھے پچھتائے (اظہر ناظؔر)  #Azharnaazirurdupoetry

​ ھمی کو تھا جُنوں چارہ گری کا ھمی پھر سو بار تھے پچھتائے (اظہر ناظؔر)  #Azharnaazirurdupoetry

​ تُمہیں میرے سے بہتر کوئی جانتا ھے کب  مُجھے جانتا میرے سے بہتر ھے کون کیُوں (اظہر ناظؔر) #Azharnaazirurdupoetry

​ میں تو اُن رِشتوں کو بھی رویا ہُوں  جو شاید درمیاں کبھی تھے ہی نہیں (اظہر ناظؔر) #Azharnaazirurdupoetry

​ تھک گئے نامہِ اعمال کو دیکھتے جب ایک بھی نیکی گُناہوں سی بھاری نہ ملی (اظہر ناظؔر)  #Azharnaazirurdupoetry

​ تُجھ کو گنوا کے بھی جینا پڑا تھا زندگی اور ہمیں کیا سزا دیتی        (اظہر ناظؔر) #Azharnaazirurdupoetry

​ وُہ تکتے ہیں آئینے کو آئینہ اُنہیں تکتا ہے  (اظہر ناظؔر)   #Azharnaazirurdupoetry

​ دوستی پے تری تھا ناز ہمیں بھی تیرے اب نام سے نفرت ہو گئی ہے    (اظہر ناظؔر)   #Azharnaazirurdupoetry

​ بات کرتے ہُوۓ اب ٹھہر جاتا ہُوں اپنے لہجے کی تلخی سے ڈر لگتا ہے  ✍️ اظہر ناظؔر #Azharnaazirurdupoetry

​ **** موتیے کے ہار **** روز دفتر سے واپسی پر  چوک کی سُرخ بتّی پہ  موتیے کے ہار بیچنے والا جب اک پھول سا بچّہ مِری گاڑی کے پاس ہوتا ہے میں خرِید لیتا ہُوں کُچھ ہار  اور پھِر اُنہیں پیار سے  سامنے مِرر پہ ڈال دیتا ہوں موتیے کی سُوندھی سی خُوشبُو مُجھے کُچھ یاد دِلاتی ہے خواب نگر میں کھینچ لاتی ہے ہاں تم کو موتیے کے گجرے پسند تھے گھر پُہنچ  کر تم کو وہاں نہ پا کر میں مخمُوم سا ہو جاتا ہوں بیڈ پہ لیٹے تُمہیں سوچتا ہُوں اور بے خبری کے کسی پل میں نِیند کی وادی میں کھو جاتا ہُوں اگلے روز تک موتیے کے وہ ہار دُھوپ کی تمازت سے مِرے ارمانوں کی طرح مُرجھا سے گئے ہوتے ہیں اگلی شام میں تازہ پھُولوں کو ایک بار پھِر سے گاڑی کے مِرر پہ ڈال کر کچُھ پل کو ہی پھِر سے اِکبارکو جی لیتا ہُوں مے تِری یاد کی پی لیتا ہُوں                                           (اظہر ناظر) #Azharnaazirurdupoetry

​ ***پہلی محبت*** روز حیرت سے مجھے وہ تکا کرتی تھی مری غزلیں ,مری نظمیں پڑھا کرتی تھی پوچھتی تھی اتنا درد کہاں سے ملا تم کو کس نے ہے دے ڈالا محبت کا یہ صلہ تم کو تمہارے کلام  میں یہ انفرادیت کیسی ہے شعر میں , سخن میں یہ ندرت کیسی ہے کس کی یاد میں یوں پیہم دن رات لکھتے ہو تم تشنہ لبی , چاک زخموں کی بات لکھتے ہو تم درد کو کس لئے خلاف معمول دوا کہتے ہو تم زمانے کو بھی مہر و وفا سے سوا کہتے ہو تم زلف کو گھٹا اور  چہرے کو چاند لکھتے ہو تیرگی کو بڑھا, چراغوں کو ماند لکھتے ہو تمہاری شاعری میں یہ ہیجان کیسا ہے پس کلام ہے جو موجزن رومان کیسا ہے دیکھو تو کسی روز میری آنکھوں میں مہکو تو کسی روز میری سانسوں میں تمہارے درد کی اک میں دوا ہوں جان لو تم اس دشت بےنوا میں اک نوا ہوں مان لو تم پھر اک روز کسی دور دیس جا بسی وہ نا حق , میری چاہت کو تھی ترسی جو احساس جو کل بھی تھا ناظر ,  ہے آج مجھے__  زندگی بھر ہے چکانا پہلی محبت کا خراج مجھے اظہر ناظؔر #Azharnaazirurdupoetry

​ کبھی تو جاناں  اُڑتی چنچل تِتلی سی اِیک مہک بھری کلی سی غُنچوں کی سی شگُفتگی سی  مست ہوا کے جھونکوں سی چلتی ندی کے پانیوں سی قوسِ قزح کے رنگوں سی بدلی ، برکھا کی ٹھنڈک سی سردیوں  کی دُھوپ سی  پریوں کے رُوپ سی مدُھر سنگِیت سی پریم بھرے گیت سی جھرنوں کی ہی روانی سی رنگیں شوخ جوانی سی ٹُوٹتی سی انگڑائی سی پھُولوں کی رعنائی سی تازہ پڑی شبنم سی اُٹھتی حِنا کے رنگوں سی صحرا  میں نخلِستاں سی سِیپ میں لپٹی گوہر سی نشے کی خُماری سی  کلی اِک کنواری سی سنگ تراش کی مُورت سی لاکھوں میں موہنی صُورت سی دل کے مرے آنگن میں اُترو اور بیاباں کو گھر کر دو   ✍️ اظہر ناظؔر #Azharnaazirurdupoetry

​ آپ کے نہیں اِختیار میں  یہ بدن ہمیں سونپ دیجئے (اظہر ناظؔر) #Azharnaazirurdupoetry

​ گہری چُپ بے وجہ نہیں ہوتی درد آواز چھین لیتے ہیں (اظہر ناظؔر) #Azharnaazirurdupoetry

​ جن خوابوں کا دیکھنا بھی بنتا نہیں اُنہی سے یہ آنکھیں اُلجھتی کیُوں ہیں (اظہر ناظؔر) #Azharnaazirurdupoetry

​ دیکھو بُرا نہ تُم ماننا میں فقط پھُول ہی بھیجُوں گا  ✍️اظہر ناظؔر #Azharnaazirurdupoetry

​ دے بھی دے میرے محرما اِک بار تیرے ترکش میں بوسے جتنے ہیں     ✍️اظہر ناظؔر #Azharnaazirurdupoetry

​ تیرے  بندِ  قبا  سے  جُڑے  قِصّے جھُوٹے ہی سہی پر ہوش رُبا ہیں   ✍️ اظہر ناظؔر #Azharnaazirurdupoetry

​ ہزار تشنہ سی حسرتوں کے بوجھ تلے یہ جو دھڑکتا ہے  دِل کمال کرتا ہے (اظہر ناظؔر) #Azharnaazirurdupoetry

​ حرام کو بھی اِک دم حلال کرتا ہے   کبھی جو دِل نئی کوئی مجال کرتا ہے ہزار تشنہ سی حسرتوں کے بوجھ تلے یہ جو دھڑکتا ہے ، دِل کمال کرتا ہے یہ دِل بھی تو رہتا ہے عجب سےمخمصے میں جواب گھڑتا ہے خُود ہی سوال کرتا ہے بچھڑ جو جائے کوئی اپنا تو تڑپتا ہے دِل یہ دیر تک روتا ہے ، ملال کرتا ہے چھُو لے جو آہٹ کوئی بھی میرے اِس در کو یہ دِل اُچھلتا ہے ، تیرا خیال کرتا ہے دھمال کرتا ہے اپنی ہی دُھن میں دل ایسے کہ ہجر کو بھی میرے وصال کرتا ہے یہ مُجھ میں رقص بھی کرتا ہے مُسکراتا ہے خُوشی سے مُجھ کو دِل یُوں نہال کرتا ہے الگ ہی ڈھنگ سے جینے کا عادی ہے دِل بھی نہ مانے تو جینا یہ محال کرتا ہے یہ دِل ہی تو ہے آخر کو تھک ہی جائے گا یہی خیال مُجھے کیُوں نڈھال کرتا ہے جو جینی ہے تو اِک سانس میں لے زندگی جی یُوں رات دِن کیُوں اس کو وبال کرتا ہے   (اظہر ناظؔر) #Azharnaazirurdupoetry