کرم کی آپکی یہ نظر شُکریہ ** غزل ** اظہر ناظؔر

​

کرم کی آپ کی یہ نظر ، شُکریہ

خُوب کٹ  جاۓ گا اب سفر ،شُکریہ

آپ کے آنے سے پہلے تھا جو مکاں

ٹھہرے گا پیار کا اب نگر ،شُکریہ

جھُومتی یہ بہاریں ، مہکتے یہ پھُول

سج گیا میرے دل کا بھی گھر ،شُکریہ

دیکھ کے اپنا سر پیٹ لیں گے رقیب

آپ میرے ہیں رشکِ قمر ، شُکریہ

مُجھ کو تو چند قطرے غنیمت تھے پر

آپ نے جو دیا کاسہ بھر ، شُکریہ

مے کدہ چل کے میرے ہی  پاس آیا  ہے

تشنہ لب تھے بُہت  مُنتظر ،شُکریہ

کون ناظر کو بھی جانتا تھا یہاں

آپ نے ہے کیا مُعتبر ، شُکریہ

؀اظہر ناظؔر

#Parizaad2023

#Rakhtesafar2023

#Parastish2023

#Azharnaazirurdupoetry